Czeski bestseller familijny – przeszło 250.000 sprzedanych ksiōnżek, Nadgroda Czytŏczy MAGNESIA LITERA 2020, film ze znanymi szaupszilerōma – yntlich doczekoł sie i ślōnskigo wydaniŏ!
Rōman, co chytŏ za serce. Ôzprŏwka ôczami pociepniyntego psa Gumpa. Geszichta ô drōdze połnyj przeszkōd a pułapkōw, ô miyłowaniu, co ône mŏ siyłã siōngnōńć aż za dyngowy most, ô niezachwiōnej psij gotowości, by ôddać życiy za swojigo patrōna, ô nadzieji, co jij niy szafniy ani ciynżkŏ keta, ale tyż ô zwierzyncyj mōndrości, co ôna nōm, ludziōm, ôtwiyrŏ ôczy.
Gump przinosi surowõ i autyntycznõ ôzprŏwkã, zbudowanõ z prawych doświadczyń czowieka, co cołke swoje życiy poświynciōł retowaniu katrupiōnych psōw, wyzdradzaniu pseudohodowli i sprawianiu krziwd, jakich ludzie dopuszczajōm sie na nojlepszym kamracie czowieka w bezsumiynnyj pogōni za pjyniyndzmi.
To ksiōnżka pozbytŏ upiykniyń i hollywoodzkigo wygładzaniŏ. Choby my zajrzeli do gowy psa Gumpa i widzieli wszyjsko, co przeżōł, jego ôczōma. Autōr trefiōł sie z ôkropnymi psiymi losami a doświadczyniami, co jy czasym ciynżko pojōńć, iże blank mogły sie wydarzić. Tōm ksiōnżkōm chce ôtworzić ludziōm ôczy i pokŏzać, iże kożdy z nŏs może pōmōc, jeźli napocznie dŏwać pozōr na to, co dzieje sie naôbkoło, i przestanie rachować na to, iże ftoś inkszy sprawi sytuacyjõ. Kedy zrozumiymy, co psie dusze potrefiōm nōm zaôferować, nasze życie może stŏć sie ô moc bogatsze.
Autor: Wydawnictwo Silesia Progress
| Wydawnictwo | Silesia Progress |
|---|---|
| ISBN | 978-83-65558-99-2 |
| Liczba stron | 138 |
| Okładka | twarda |
